2023-жылы тажик тарап менен 304 жолугушуу өттү, деп билдирди Чек ара кызматынын директору – УКМКнын төрагасынын биринчи орун басары Уларбек Шаршеев 11-мартта Жогорку Кеңештин тармактык комитетинин жыйынында.
Анын ичинен өлкө жетекчилигинин деңгээлинде 3 жолугушуу, чек ара кызматтарынын өкүлдөрүнүн деңгээлинде 67 жолугушуу, башка деңгээлдеги 234 жолугушуу өткөн,.
«Демаркация маселеси боюнча оң динамика бар», - деди ал.
Анын айтымында, кыргыз-тажик чек арасында иш-чаралар күчөтүлүп, өздүк курам көбөйтүлдү. «Өткөн жылы курал колдонуу боюнча чыр-чатактар болгон эмес», - деди Шаршеев.
Анын айтымында, мамлекеттик чек аранын кыргыз-өзбек тилкесинде абал туруктуу.
Пикирлер (0)
Пикир жок. Сиз биринчилерден болушуңуз мүмкүн