1300 автобустун баары Бишкекке алынып келинээри менен шаардын борбордук бөлүгүнөн кичи автобустар чыгарылат. Бул тууралуу журналисттерге вице-мэрдин милдетин аткаруучу Максат Сазыкулов билдирди.
Анын айтымында, кеп Курманжан Датка – Түштүк магистрал – Садырбаев – Жибек Жолу көчөлөрү менен чектешкен аянтча тууралуу болуп жатат.
«Баардык автобустар келгенде шаардын муктаждыктары жабылат. Кичи автобустар ашыкча болуп, борбор калаанын чет жакаларына каттайт», - деди чиновник.
Ал ошондой эле, болжолдуу түрдө келерки жылдын экинчи жарымында кичи автобустарды автобустар алмаштыра турганын белгиледи.
Пикирлер (0)
Пикир жок. Сиз биринчилерден болушуңуз мүмкүн