НАТОнун Европа күчтөрүнүн мурдагы жогорку колбашчысы, адмирал Джеймс Ставридис жана согуштун ардагери жазуучу Эллиот Аккерман 2034-жылдагы дүйнөлүк согуштун сценарийин сүрөттөп жазышты. Бул тууралуу алар The National Interest үчүн берген макаласында жазганын чет элдик басылмалар билдирди.
Авторлор 2034-жылы Түштүк Кытай деңизинде АКШ менен Кытайдын кагылышуусу "глобалдык чыр-чатакка" алып келиши мүмкүн деп эскертишет. Алар окуялардын мындай өнүгүшүн "2034: Кийинки Дүйнөлүк Согуш жөнүндө Роман" китебинде сүрөттөгөн.
Согуштун чыгышына Кытай менен АКШнын мамилесинин чыңалуусу жана Тайвандагы маселе болушу мүмкүн.
Ставридис менен Аккерман жакынкы аралыкта согуш талаасында пилотсуз учактар жана автономдуу учкучсуз аскер техникалары үстөмдүк кылат жана душмандардын тутумдарына ири масштабдуу хакердик чабуулдар менен бир мезгилде өрт кагылышуулары болот деп ишендиришет.
Азыр өлкөлөр салттуу согуштар үчүн курал-жарактарды жаратууну жана сатып алууну улантышууда. Бирок Америка Кошмо Штаттары жаңы ачылган биотехнологияларга негизделген комплекстер менен интеграциялануучу атайын күчтөрдүн чакан топторун даярдоого аргасыз болот.
Пикирлер (0)
Пикир жок. Сиз биринчилерден болушуңуз мүмкүн