Чын курандын 05, 2025
Убакыт: 13:32
USD
86.60
87.10
EUR
94.90
95.90
RUB
1.010
1.050

21-февралдан тарта Кыргызстандан Россияга жүргүнчү ташуучу поезддер каттай баштайт

17.02.2022 09:11
594
21-февралдан тарта Кыргызстандан Россияга жүргүнчү ташуучу поезддер каттай баштайт

21-февралдан тартып Казакстан аркылуу Кыргызстандан Орусияга жүргүнчү ташыган туруктуу темир жол каттамдары жүрө баштайт.


Бул тууралуу 16-февралда Министрлер кабинетинин басма сөз кызматы кабарлады.


Маалыматка караганда, мындай чечим Алматы шаарында өткөн Кыргызстан менен Казакстандын соода-экономикалык кызматташтыгы боюнча жумушчу топтун биринчи отурумунда кабыл алынды.


Аталган поезд каттамдарынын жүргүнчүлөрүнөн коронавирус жок экенин ырастаган акыркы 72 сааттын ичинде тапшырылган тесттин жыйынтыктары же «COVID-19суз саякаттайм» тиркемесине киргизилген эмделгендиги тууралуу сертификат талап кылынат.


Кыргызстан коронавирус пандемиясынан улам 2020-жылдын март айында өлкө ичиндеги жана эл аралык темир жол каттамдарын убактылуу токтоткон. 2020-жылдын аягында Кыргызстандын ичиндеги темир жол каттамдары кайрадан аткарыла баштаган.


Булак: ПК

Пикирлер (0)

Коопсуздук коду

Пикир жок. Сиз биринчилерден болушуңуз мүмкүн