21 медицина кызматкери өкмөттүн ардак грамотасы менен сыйланды (фамилиялары)

Саламаттык сактоо министрлигинде 3-августта республиканын жеке жана мамлекеттик медициналык уюмдарында эмгектенген медицина кызматкерлерине өкмөттүн ардак грамоталарын тапшыруу аземи болду. Бул тууралуу аталган министрликтин басма сөз кызматы билдирди. 

Маалыматка караганда, салтанаттуу азем вице-премьер-министр Аида Исмаилованын жана саламаттык сактоо министри Сабиржан Абдикаримовдун катышуусунда өттү.

2020-жылдын 22-июлундагы №288 буйруктун негизинде ак ниет эмгеги жана саламаттыкты сактоо системасын өнүктүрүүгө кошкон салымы үчүн өкмөттүн ардак грамоталары менен төмөнкү медицина кызматкерлери сыйланды:

- Адашпаев Насиржан Ташпулатович – УОжГБ интенсивдүү терапия бөлмөсүнүн анестезиолог-реаниматолог дарыгери;

- Алмереков Нурдин Кумарбекович – РКИО жандандыруу бөлүмүнүн башчысы;

- Бейшеналиев Илимгазы Айыпович – Нарын облусунун Ат-Башы районунун Аймактык ооруканасынын директору;

- Бодошов Азат Умарович – ОАжМСЭКДнын вирусологиялык лабораториясынын башчысы;

- Давлетбаева Марина Мамбетказиевна – РКИОнун №1 бөлүмүнүн башчысы;

- Дөкбаев Жээнбек Орозмаматович – Ош облустук ОАжМСЭКБ башкы дарыгери;

- Ибраимов Бакыт Аскарович – УХБ ичеги-карын хирургиясы секторунун башчысы;

- Кравцов Алексей Анатольевич – «Алдын алуучу медицина» Республикалык илимий-практикалык борборунун эпидемиолог дарыгери;

- Макешова Токтобүбү – РКИОнун №6 бөлүмүнүн улуу медайымы;

- Мамасали уулу Жыргалбек – Бишкек шаарындагы №1 Шаардык клиникалык ооруканасынын ыкчам хирургия бөлүмүнүн хирургу;

-  Нурланова Махабат Мелисовна – Бишкек шаарындагы №6 Шаардык клиникалык ооруканасынын пульмонолог дарыгери;

- Өмүракунова Назгүл Советбековна – Эндокринологиялык борбордун башкы дарыгери;

- Осмоналиев Калмурза Мукашевич – Чүй облустук стоматологиялык бейтапкананын стоматолог-хирург дарыгери;

- Осмонов Дамир Асылбекович – «Бикард» медициналык клиникасынын башкы дарыгери;

- Оторбаева Динагүл Сатаровна – ОАжМСЭКДнын жугуштуу, паразиттик оорулардын алдын алуу башкармалыгынын башчысы;

- Салиев Алишер Гаппарович – Ош облустар аралык балдар ооруканасынын травматолог дарыгери;

- Самаков Алмаз Асанбекович – УХБ ыкчам хирургия боюнча башкы дарыгеринин орун басары;

- Солтогулова Аиза Урустомовна – Бишкек шаарынын Биринчи Май районунун бириктирилген үй-бүлөлүк медицина борборунун үй-бүлөлүк дарыгери;

- Тилеков Эрнис Абдышевич – Улуттук онкология жана гематология борборунун директору;

- Үркүнчиев Таалайбек Токтобекович – Нарын облусунун Жумгал районунун Аймактык ооруканасынын директору;

- Чынгышова Жамиля Амановна – И.К.Ахунбаев атындагы КММАнын анестезиология жана интенсивдүү терапия боюнча дипломго чейинки жана дипломдон кийинки билим берүү кафедрасынын башчысы.