Ош шаарында өзүнүн мурдагы аялын бычактап өлтүрүп, качып кеткен жаран Өзбекстандан кармалды. Бул тууралуу шаардык милициянын басма сөз кызматы билдирет.
Маалыматка ылайык, адам өлтүрүүгө шектүү 1990-жылы туулган Ж.И. коӊшу Өзбекстандын Анжиян облусунун аймагынан, жергиликтүү укук коргоо органдары менен биргелешкен издөө иш-аракеттеринин натыйжасында өткөн жумада колго түшүрүлүп, Ош шаарына алынып келинди.
Учурда анын үстүнөн адам өлтүрүү беренеси менен кылмыш иши тергелүүдө.
Кылмыштуу окуя ушул жылы 3-октябрда Ош шаарында катталган. Шектүү 1990-жылы туулган Ж.А. өзүнүн мурдагы аялын өлтүрүү максатында ал жашаган үйгө барып, аялды бир нече ирет денесине бычак сайып, изин жашырып кеткен. Жабырлануучу 1998-жылы туулган аял окуя болгон жерде көз жумган.
Пикирлер (0)
Пикир жок. Сиз биринчилерден болушуңуз мүмкүн