25-июнь: COVID-19дун жаңы 228 учуру катталып, рекорддук көрсөткүч болду

25-июнга карата республика боюнча СOVID-19 инфекциясынын жаңы 228 учуру катталды. Бул тууралуу саламаттыкты сактоо министринин орун басары Мадамин Каратаев брифингде билдирди.

Маалыматка ылайык, буга чейин сутканын рекорддук көрсөткүчү 207 бейтапты түзгөн болчу.

Жаңы учурлар:

Бишкек шаары – 113;

Ош шаары - 32;

Чүй облусунда - 24;

Ош облусу - 31;

Талас облусунда - 3;

Жалал-Абад облусунда - 10;

Нарын облусунда - 1;

Ысык-Көл облусунда - 12;

Баткен облусунда - 2.

Муну менен республика боюнча жалпы 3954 учур катталды.

Ошол эле учурда бир сутка ичинде ооруканадан 30 бейтап чыгарылган. Кыргызстан боюнча бүгүнкү күнгө чейин илдеттен айыккандардын саны жалпы 2112 адамга жетти.