25-июнга карата банктар тарабынан жалпы 3,3 млрд сом насыяга берилген

Өкмөт башчы Кубатбек Боронов бүгүн, 1-июлда мамлекеттик банктардын ишмердүүлүгүн талкуулоо боюнча кеңешмеде «Айыл чарбасын каржылоо – 8» программасына токтолду. Бул тууралуу өкмөттүн басма сөз кызматы билдирди.

Финансы министрлигинин маалыматына ылайык, 2020-жылдын 25-июнуна карата 7 коммерциялык банк тарабынан жалпы суммасы 3,3 млрд сомго 6631 кредит берилген. Кредиттердин негизги бөлүгү жазында дыйкандар каражатка муктаж учурда берилген.

“Бирок биз көрүп тургандай, пландын жарымынан көбүрөөк бөлүгү аткарылды. Албетте, жазында карантин жарыяланган, бирок, кредит берүү көлөмүнүн кыскаруусу банктардын карыз алуучуларга карата талаптарынын жогорулашына байланыштуу деп эсептейм", - деп белгиледи Кубатбек Боронов.