Жамгыр карга айланат! 26-мартка карата аба ырайы

Өзгөчө кырдаалдар министрлигинен билдиргендей 26-мартта Кыргызстандын аймагында туруксуз аба-ырайы күтүлөт.

Бүгүн өлкөнүн көпчүлүк аймактарында жаан, тоо этектеринде жамгыр, тоолуу райондордо кар жаашы күтүлөт.

Ош, Жалал-Абад, Баткен облустарынын кээ бир райондорунда жаан-чачын катуу жаашы күтүлөт. Кээ бир райондордо шамалдын ылдамдыгы секундасына 15-20 метрге  жетип, абанын температурасы төмөндөйт.

 26-27-мартта түнкүсүн Чүй облусунун дыйканчылык аймактарында 0…-2° үшүк, Ош, Жалал-Абад, Баткен облустарынын тоо этектеринде жана Талас облусунун дыйканчылык аймактарында -1…-3° үшүк жүрүшү күтүлөт.

Мындай үшүк өрүктүн бүчүрлөрүнө жана гүлдөрүнө, данектүү мөмө бактарынын эрте сортторунун бүчүрлөрүнө коркунуч келтирет.