Бишкек шаарындагы №3 үй-бүлөлүк дарыгерлер борборунун жетекчиси коронавирустан көз жумду. Бул тууралуу VB.KG басылмасы ишеничтүү булактарына таянып жазып чыкты.
Маалыматка ылайык, Кокумбаева Жүзүм Асановна 1-май күнү саат 21:00дө Республикалык жугуштуу оорулар бейтапканасында каза болгон. Жүзүм Кокумбаева менен бирге баласы да илдетти жуктуруп алган, ал жандандыруу бөлүмүнөн жаңы эле чыкканы айтылат.
Ал эми №3 бейтапканадан жалпы 13 ак халатчан илдетти жуктуруп алганы кабарлаган.
Эске салсак, буга чейин Саламаттыкты сактоо министрлиги 8 дарыгер илдетти жуктурганын, алардын экөөсү жандандыруу бөлүмүндө жатканын айткан болчу.
Пикирлер (0)
Пикир жок. Сиз биринчилерден болушуңуз мүмкүн