Ири алдамчылыкка шектүү жаран кармалды. Бул тууралуу Чүй ОИИБдин басма сөз кызматы кабарлады.
Белгилүү болгондой, шектүүмарт айында Ысык-Көл облусунун тургунунан 38,2 тонна кум шекерин 2,5 миллион сомго баалап, акчасын кийин берүүнү убадалаган. Бирок жаран ошол бойдон изин сууткан.
Жабырлануучу 12-апрелде милицияга арыз менен кайрылган. Мындан сырткары, дагы бир жаран шектүүнүн үстүнөн арыз жазган. Ал 600 миң сомго зыян тартканын билдирген.
Жазылган арыздардын негизинде иш КЖБРне катталган.
Ысык-Ата РИИБдин кызматкерлери кылмышка шектүү катары 1993-жылы туулган К.Н. аттуу жаранды кармап, тергөө абагына киргизген.
Пикирлер (0)
Пикир жок. Сиз биринчилерден болушуңуз мүмкүн