34 жаштагы Маргубахан 3 жашар уулу менен изделүүдө

Аламүдүн районунда 34 жаштагы Маргубахан Сейитова жана анын 3 жашар баласы Данил Сейитов дайынсыз болууда. Бул тууралуу Чүй ОИИБден билдиришти.

Маалыматка ылайык, акыркы жолу август айынын башында байланышка чыгып, ошондон бери кабарсыз болууда.

Өзгөчө белгилери: Маргубахан Сейитованын бою 168-170 сантиметр, арык дене түзүлүштө, чачы кара. Кийип жүргөн кийимдери мезгилге жараша.

Ал эми 3 жашар Данилдин бою 70 сантиметр, чачы сары жана кыска. Ал дагы мезгилге жараша кийинип жүргөн.

Кимде-ким эне менен баланы көрүп билген болсо, чалып коюуну милиция кызматкерлери өтүнөт.

Байланыш телефону: 0 312 36-35-27, 0312 36-35-23, 0999 21-07-09, 0709 21-18-08, 0 550 34-33-63, 0778 00-09-99.