Нарын шаарындагы эксперименттик тез тургузулган жаңы жугуштуу оорукананын курулуш иштеринин даярдыгы 44%ды түздү. Бул тууралуу Мамлекеттик курулуш агенттиги маалымдады.
Маалыматка караганда, бүгүнкү күндө объект боюнча 100%га фундаменттин чуңкурларын казуу жана шагыл-кум аралаш топурак менен түздөп, таптоо жумуштары, гидроизоляциялоо иштери менен от жагуучу бөлмөнүн темир-бетон жабууларын орнотуусу бүткөрүлгөн.
Учурда, фермаларды жана имараттын темир тирөөчтөрүн орнотуу иштери, пеноблок менен дубалдарды тургузуу жана полду бетондоо жумуштары аткарылууда. Бардыгы болуп 76 жумушчу жана 7 керектүү атайын автомобиль техникасы тартылган.
Белгилей кетсек, 70 орунга эсептелген оорукананын курулушуна "Региондорду өнүктүрүү боюнча социалдык өнөктөштүк фондунун" тарабынан 36 млн сом каржыланды.
Пикирлер (0)
Пикир жок. Сиз биринчилерден болушуңуз мүмкүн