6-июнь: COVID-19дун жаңы 38 учуру катталып, 20 бейтап сакайды

 

6-июнга карата республика боюнча СOVID-19 инфекциясынын жаңы 38 учуру катталды. Бул тууралуу саламаттыкты сактоо министринин орун басары Нурболот Үсөнбаев брифингде билдирди.

Маалыматка ылайык, жаңы катталган 38 учурдун алтысы ооруну кайдан жуктурганы белгисиз.

 

Жаңы учурлар:

Бишкек шаары – 9;

Ош облусунда – 2;

Ош шаарында - 11;

Чүй облусунда - 10;

Нарын облусу - 3;

Баткен облусунда - 1;

Жалал-Абад облусу - 2.

 

Муну менен республика боюнча жалпы 1974 учур катталды.

 

Ошол эле учурда бир сутка ичинде ооруканадан 20 бейтап чыгарылган. Кыргызстан боюнча бүгүнкү күнгө чейин илдеттен айыккандардын саны жалпы 1360 адамга жетти.