Борбордук шайлоо комиссиясынын ыкчам чара көрүү координациялык тобу КТРКдагы мыйзам бузууларды текшерет. Бул тууралуу БШКнын мүчөсү Гүлнара Журабаева 24.kg агенттигине билдирген.
Гүлнара Журабаеванын айтымында, журналисттер дебат учурунда президенттикке талапкерлерге суроолорду берип, президенттик башкаруу формасы үчүн үгүт иштерин жүргүзүштү. Бул кесипкөйлүк эмес жана журналисттер үгүт иштерин жүргүзбөшү керек.
«Биз бул билдирүүлөргө жооп беришибиз керек. Биздин координациялык топ материалдарды изилдейт», - деди ал.
Социалдык тармактын колдонуучулары кечээги дебаттардын форматын кескин айыптап, Борбордук шайлоо комиссиясынан аларга баа берүүнү талап кылышууда.
Пикирлер (0)
Пикир жок. Сиз биринчилерден болушуңуз мүмкүн