8-мартка карата "Аялдардын тилектештик маршы" өтүүдө

Бишкекте бүгүн, 8-мартта Аялдардын тилектештик маршы өтүүдө.

Анда аялдардын укуктары, гендердик теңдик жөнүндө маалыматтар айтылып жатат. Марш Ак Үйдүн алдында башталып, учурда Уркуя Салиеванын эстелигинин алдында келип токтошту.

Жүрүштө аялдарга зомбулук болбошу керектигин, аялзаты бактылуу болушу керектиги, Уркуя Салиевадай өз укугуңду коргошуң керек деген өңдүү чакырыктар айтылып жатат.

Активисттер колдоруна “Окуган кыз ордун табат”, “Кыздар баары бир жеңишке жетет”, “Чыныгы эркектер теңдиктен коркушпайт”, “Аялдар үчүн коопсуз жашоо”, “Кызыл камчы сынсын”, "Тынч митингдерге эркиндик" деген жазуулары бар  плакат, баракчаларды көтөрүп алган.