Криминалдык милиция тарабынан ири өлчөмдөгү алдамчылыкка шектүү адам кармалды. Бул тууралуу Бишкек шаарынын ички иштер башкы башкармалыгынан билдирди.
Маалыматка ылайык, 2019-жылдын 21-сентябрында М.К. аттуу жаран милицияга чала тааныш болгон “Н” аттуу адамга карата чара көрүп берүү арызы менен кайрылган. Шектүү жабыр тарткан адамдын ишеничине кирип Салиева жана Курманжан-Датка көчөлөрүнүн кесилишинде баасы 80 миң доллар турган “САТ 0345” үлгүсүндөгү экскаваторуна алдамчылык жол менен ээ болуп, белгисиз тарапка айдап кетип калган.
Аталган факт боюнча 204-берене (алдамчылык) менен кылмыш иши козголуп, иликтөөнүн жыйынтыгында шектүү катары 40 жаштагы Э.Н. аттуу адам Бишкек шаарында кармалган.
Учурда ага карата 98-берене менен кылмыш-иши козголуп, убактылуу кармоочу жайга киргизилген.
Пикирлер (0)
Пикир жок. Сиз биринчилерден болушуңуз мүмкүн