АКШнын ооруларды профилактикалоо жана көзөмөлдөө борбору Кыргызстанга медициналык жеке коргонуучу каражаттарды жана оору аныктоочу компьютердик аппараттарды жөнөттү. Бул тууралуу Саламаттыкты сактоо министрлигинин өкүлү Динара Оторбаева кабарлады.
Чет өлкөдөн келген медициналык каражаттар Бишкек, Нарын, Ат-башы жана Ош регионундагы тиешелүү медициналык мекемелерге берилет.
"АКШнын CDC жана ICAP уюмдары менен биз коронавируска каршы күрөшүүдө тыгыз байланышта болуп, түрдүү иш-чараларды өткөрүп келебиз. Биз аталган уюмдарга ушундай оор кырдаалда жардам бергендиги үчүн терең ыраазычылыгыбызды билдиребиз. Бул жардамдар эпидемиялык абалдан чыгууга чоң өбөлгө болот деп ишенем" - дейт Динара Оторбаева.
Жогоруда аталган уюм быйыл Кыргызстанга коронавируска каршы күрөшүү үчүн 5 миллион доллар бөлө турганын белгилеген.
Пикирлер (0)
Пикир жок. Сиз биринчилерден болушуңуз мүмкүн