Америка Кошмо Штаттары Райымбек Матраимовдун коррупция жана кылмыш жолу менен алынган кирешелерди легалдаштырган деген айып менен тергөө амалдары жүргүзүлүп, камакка алынгандыгын кубаттайт. Бул тууралуу АКШнын Кыргызстандагы элчилиги билдирди.
"Биз Кыргызстандын укук коргоо органдары менен биргеликте уурдалган мүлктү аныктоо жана ал мүлктөр тастыкталса, аларды кыргыз элине кайтаруу боюнча кызматташууга даярбыз", - деп айтылат билдирүүдө.
Эске салсак, кечээ,18-февралда УКМК Бажы кызматынын башчысынын мурунку орун басары Райымбек Матраимовду кылмыштуу кирешелерди легалдаштыруу (адалдоо) фактысы боюнча козголгон кылмыш ишинин алкагында кармаган.
Пикирлер (0)
Пикир жок. Сиз биринчилерден болушуңуз мүмкүн