АКШда коронавирустун жайылышы жогорку чекке жетти, - Трамп

Америка Кошмо Штаттарында коронавирус пандемиясынын жайылуусу жогорку чегине жетти. Бул тууралуу АКШнын президентти Дональд Трамп маалымат жыйында айткан.

"Биз ийри сызыктын башында турабыз, мен буга толук ишенем”, - деген Трамп.

Анын айтуусуна караганда АКШнын айрым аймактарында дартка чалдыккандардын саны азая баштады.

Мындан сырткары, жыйынга катышкан вице-президент Майк Пенстин айтымында, коронавирустун абалы өтө курч болгон региондордо стабилдүүлүктүн белгилери барган сайын байкалууда. Мисал катары ал Нью-Йорк жана Денвер шаарларын, ошондой эле Луизиана штатын атаган.

 АКШда коронавируска чалдыккандардын саны 460 миңден ашып, андан 17 миңге жакыны каза болгон. Ал эми 26 миңдей адам айыккан.