АКШ президенти Байден күтүүсүздөн Киевге келди (фото)

Бүгүн, 20-февралда Америка Кошмо Штаттарынын президенти Жо Байден Киевге иш сапары менен келди. Бул тууралуу BBC орус кызматы билдирди.

Маалыматка караганда, Байдендин Киевге болгон иш сапары алдын ала жарыя кылынган эмес.

Байден Киевге Россиянын атайын аскердик операциясы башталгандан бери биринчи жолу келди.

Иш сапардын алкагында Жо Байден Украина президенти Владимир Зеленский менен жолугушуу өткөрдү.

"Урматтуу АКШ президенти Байдендин Киевге болгон иш сапары Украина эли үчүн чоң дем берет",- деди Зеленский.