Президент Дональд Трамптын чиновниктери коронавирус пандемиясынан улам экономиканын солгундашына байланыштуу жумушсуздарга төлөнүүчү жөлөкпулдарды токтотууга ниеттенүүдө. Бул туурасында Ак үйдүн экономикалык кеңешчиси Ларри Кадлоу айткандыгын Financial Times басылмасы маалымдады.
Айтымында, президенттин администациясы жөлөкпулдарды август айынан тарта токтотуу жөнүндө чечимге келди. Азыр өлкөдө экономика кайрадан жандана баштагандыктан, ал мезгилге чейин жумушчу орундар пайда болуп калышы мүмкүн деген ишенич бар.
АКШнын Эмгек министрлигинин маалыматы боюнча учурда өлкөдө 21 миллион адам жумушсуз деп эсептелет. Май айында 2,5 миллион жумушчу орундар калыбына келип, жалпы жумушсуздук 13,3 пайызга азайды.
Пикирлер (0)
Пикир жок. Сиз биринчилерден болушуңуз мүмкүн