Америка Кошмо Штаттарда болжол менен 25 миллион адамга COVID-19 коронавирусу жуккан болушу мумкүн – бул расмий маалыматтардан 10 эсеге көп деп АКШнын ооруларды көзөмөлдөө жана алдын алуу борборунун директору Роберт Редфильд айткандыгын Интерфакс.ру маалымдады.
Редфильддин айтымында, АКШда кан тапшыруулар учурунда алынган тесттер өлкөдөгү 328 миллион калктын 5-8%ына коронавирус жуккандыгын көрсөткөн.
АКШ пандемиянын биринчи толкунунан толук өтө элек. Ага каршы туруунун бир гана жолу бар – ал социалдык окчундоо.
Кечээ америкалык CNBC телеканалы өлкөдө вирус жуккан рекорддук учур катталгандыгын – сутка ичинде 45,5 миң адамдан коронавирус аныкталгандыгын кабарлады. Worldometer статистикалык сайтынын маалыматы боюнча АКШда COVID-19 вирусу 2,4 миллиондон ашык адамдан аныкталды, алардын 124 миңден ашыгы каза тапты.
Пикирлер (0)
Пикир жок. Сиз биринчилерден болушуңуз мүмкүн