АКШда катуу бороондон 20дан ашык адам каза болду

АКШнын түштүгүндө болгон катуу бороондон кеминде 21 адам каза болуп, миллиондогон адамдар электр жарыгысыз калышты. Бул тууралуу  Би-Би-Си билдирди.

Бороондон эң көп Техас штаты жабыркап, анда электр тармактары катуу шамалга туруштук бере албай өчкөн.

Америка Кошмо Штаттарынын түштүгү үчүн аба ырайынын өзгөчө шарттарынан улам Техас, Луизиана, Кентукки, Түндүк Каролина жана Миссури штаттарынын айрым тургундары каза болушту.

Америкалык метеорологдордун айтымында, 17-февраль күнү кечинде Техаста борошо басыла баштады. Бирок аба ырайынын кескин эскертүүлөрү 100 миллиондон ашуун адам жашаган аймактарга колдонула берет.