АКШда жүргүнчү ташыган учак аскердик тик учак менен кагышты

Вашингтон аэропортунун жанында эл ташыган учак аскердик тик учак менен кагышып, Потомак дарыясына кулап түштү. Бул тууралуу РИА Новости кабарлады.

Самолет Вашингтонго Канзастын Вичита шаарынан учуп келе жаткан.

"PSA Airlines Bombardier CRJ 700 борту "Рейган" аэропортунун конуу тилкесине жакындап калганда Sikorsky H-60 тик учагы менен кагышкан", — деп айтылат маалыматта.

Кулаган учактын ичинде 60 жүргүнчү жана экипаждын төрт мүчөсү болгон. Төрт адам суудан чыгарылган, аларга жардам көрсөтүлүүдө.

Буга чейин америкалык сенатор Тед Круз авиакырсыктан адамдардын каза болгонун айтан. Fox News берген маалымат боюнча, 60 киши көз жумган болушу мүмкүн.

Окуя болгон жерде издөө-куткаруу иштери жүрүп жатат.