АКШ Конгрессинин кеминде үч мүчөсү болгон American Airlines компаниясынын учагы Рональд Рейган Вашингтон эл аралык аэропортунда American Airlines компаниясынын дагы бир учагы менен жерде кагылышты. Бул тууралуу Reuters агенттиги АКШнын Федералдык авиация башкармалыгына шилтеме берүү менен билдирди.
«Вашингтондун Рейган улуттук аэропортунда Конгресстин кеминде үч мүчөсүн ташыган самолет учуу жолунда American Airlines авиакомпаниясынын дагы бир учагынын канатынын учуна урунду», — деп айтылат билдирүүдө.
Кагышкан учак Bombardier CRJ 900 жана Embraer E175 экени такталды. Эки учак тең техникалык текшерүүдөн өтүү үчүн алмаштырылган. Окуя аэропорттун ишине таасирин тийгизген жок, деп тактады басылма.
Пикирлер (0)
Пикир жок. Сиз биринчилерден болушуңуз мүмкүн