Абакир Мамытов билим берүү жана илим министринин кеңешчиси болуп дайындалды

Мамытов Абакир Мамытович билим берүү жана илим министринин коомдук башталыштагы кеңешчиси болуп дайындалды.

Министерликтин басма сөз кызматы билдиргендей, тиешелүү буйрукка билим берүү жана илим министри Алмазбек Бейшеналиев кол койду.

Абакир Мамытов — педагогика илимдеринин доктору, профессор, Кыргыз билим берүү академиясынын академиги, Кыргыз Республикасынын билим берүүсүнө эмгек сиңирген ишмер.