Абдышүкүр ажы Нарматов: Россияга Чубак ажысыз келүүнү каалаган жокмун (видео)

Аалым Абдышүкүр ажы Нарматов  Москвага кыргызстандыктар менен жолугушуу үчүн бар. Бул тууралуу ал өзү Ютуб каналы аркылуу билдирди.

Анын айтымында, ал маркум Чубак ажы жок Москвага келгиси келген эмес, бирок мекендештердин өтүнүчү менен келген.

"Мен быйыл Россияга келбей эле коёюн дедим. Мурда эгиздей болгон аалымыбыз Чубак ажы менен келет элек. Ал жок келгим келген жок. Жакында энем өттү. Ошентсе да, бул жактагы мекендештерибиздин өтүнүчү менен аларды мен да сагынганым үчүн келдим",- деди Абдышүкүр ажы.