Абиров №47 абактын ордуна жаңы сейил бак курууну сунуштады

Жогорку Кеңештин депутаты Жаныбек Абиров Бишкектеги №47 жаза өтөө абагынын ордуна жаңы сейил бак курууну сунуштады. Бул тууралуу ал парламенттин бүгүнкү жыйынында билдирди.

Анын айтымында, шаарга жаңы жашыл аймактар керек.

"Бүгүнкү күндө шаар түтүнгө ууланып жатат. Ошондуктан №47 жаза өтөө абагынын ордуна жаңы парк куруш керек.

Мен мэрияга билдирүү жөнөтсөм абактын ордуна 18, 14 кабаттуу үйлөр, мектеп жана бала бакча куруларын билдирип, жооп бериптир.

Мен мындан сырткары Бишкек шаарынын Тез жардам клиникалык ооруканасына чейинки жерди бульвар кылуу боюнча долбоорду иштеп чыкканмын",- деди депутат.