Жогорку Кеңештин “Бүтүн Кыргызстан” фракциясынын лидери Адахан Мадумаровдун “Алдамчылык” жана “Мамлекетке чыккынчылык” беренелери боюнча козголгон иштери биригип, “жашыруун” деген берене менен Башкы прокуратурага өткөрүлүп берилди. Бул тууралуу жактоочу Юлия Богданова билдирди.
Анын айтымында, башкы көзөмөл органы беш күндүк мөөнөттө айыптоо корутундусун түзүп, аны сотко берүүсү керек.
«Иш жашыруун болгондуктан, иш менен таанышуу бир топ кыйын болду. Бизге ксерокөчүрмө жасоого да уруксат берилген жок», - деди адвокат.
Ал кошумчалагандай, болжол менен беш күндөн кийин материалдар сотко жөнөтүлөт.
Белгилей кетсек, Адахан Мадумаров 2-сентябрда кармалып, УКМКнын кармоочу жайына киргизилген.
Пикирлер (0)
Пикир жок. Сиз биринчилерден болушуңуз мүмкүн