Кыргыз эстрада ырчылары “Адамга адам керек” аталышындагы жаңы чыгарманы тартуулашты. Бул тууралуу ырчы Султан Садыралиев инстаграм баракчасына жарыялады.
Маалым болгондой, ырдын сөзү Акбар Кубанычбековго, обону Султан Садыралиевге таандык. Ырдын обону бир ай мурун жазылган.
Ал эми ырды Султан Садыралиев, Омар, Анжелика, Гүлнур Сатылганова, Алтынай Нарбаева, Нурмат Садыров, Гүлжигит Калыков, Курал Чокоев жана башка белгилүү ырчылар аткарган.
“Кылым карыткан кыргыз тарыхта далай сыноолорду башынан кечирген... Бирок,
биринде дагы башын салып, тизе бүгүп, мизи майтарылып багынган эмес! Кыргызстаным -
жаныңда сени чын дилден сүйгөн, ар бир тоголок ташың үчүн жанын садага чапканга
даяр уул-кыздарың турганда, кандай кыйынчылык болбосун бир муштумдай түйүлүп,
жеңип чыгарынан эч кам санаба! Сенин жаркын келечегиң үчүн биз дайым биргебиз!
Бизди бир гана максат бириктирет, ал - Кыргызстан! Жаша менин мекеним! Жаша менин
сүйүктүү Кыргызстаным!”, - деп Султан Садыралиев билдирүү
калтырган.
Пикирлер (2)