УКМКнын Коррупцияга каршы кызматы тышкы экономикалык иш-аракеттер чөйрөсүндөгү коррупцияны аныктоо жана бөгөт коюу боюнча иш-чаралардын алкагында, баалуу металлдарды Кыргыз Республикасынын аймагына мыйзамсыз алып өтүү фактысын аныктады. Бул тууралуу УКМКнын басма сөз кызматы билдирди.
2021-жылдын 9-февралында чет мамлекеттен учуп келген 1981-жылы туулган Кыргыз Республикасынын жараны Т.Л., “Манас” эл аралык аэропортунан УКМКнын кызматкерлери тарабынан бажы зонасынан өтпөй жатып, кармалган.
Жүктөрдү текшерүү учурунда жалпы салмагы 17 кгдан жогору, баасы 53 миллион сомдон ашык алтын буюмдар табылды.
Учурда сотко чейинки процесстин алкагында тиешелүү тергөө-оперативдик иш-чаралар жүргүзүлүүдө.
Пикирлер (0)
Пикир жок. Сиз биринчилерден болушуңуз мүмкүн