Афганистандагы жер титирөө: Зилзаладан улам Афганистан менен Пакистанда каза болгондор жана кыйроолор бар

21-мартта кечки саат 22:47де Афганистандын түндүк тарабында күчү 7 баллга жеткен жер титирөө катталды.

Чет элдик маалымат каражаттары кабарлагандай, зилзаладан улам Афганистандын региондорунда жана Пакистандын бир катар шаарларында үйлөр кулаган. Пакистанда урандылар астында калып калган 20 адамдын сөөгү табылган.

Жер титирөө Афганистан, Пакистан, Тажикстан, Өзбекстан, Казакстан, Индия жана Кыргызстандын аймагында катталган.