Ага Хан Фонду пандемия күч алган мезгилде аймактардагы 3000 үй-бүлөгө жардам берди

Ага Хан Фонду пандемия күч алган мезгилде 3000 үй-бүлөгө жардам берди. Бул тууралуу республикалык штабдан билдиришти. 

- Ага Хан Фонду Нарын, Ош жана Жалал-Абад облустарында жашаган 3000 үй-бүлөгө 2 миллион сомдон ашык суммадагы санитардык-гигиеналык шаймандардын топтомун алып берди. Ар бир топтомго кол жана кир самындары, кир жуугуч айна, тиш пастасы, кол тазалагыч санитайзер жана аялдык гигиена каражаттары кошулду.

⠀

- Гуманитардык жардамды бөлүштүрүүдө айылдык ден-соолук комитеттеринин, жергиликтүү бийликтин жана ата-энелердин ресурстук борборлорунун 435 ыктыярчысы жардам берди. Бардык ыктыярчылар жеке коргоо шаймандары менен жабдылган. Ошондой эле бул ыктыярчылар калк арасында ден-соолука байланыштуу туура жана тастыкталган маалымат таратууга активдүү катышуусу үчүн, алар 6 айга интернетке туташтырылган.

⠀

- Гуманитардык жардам Канаданын Өкмөтү жана Кыргызстандагы Ага Хан Фондунун колдоосунун алкагында берилди.