Вице-спикер Аида Касымалиева аны кызматтан алууга кол топтоо боюнча журналисттерге түшүндүрмө берди.
Анын айтымында, вице-спикерлик кызмат кимдир бирөөгө ушунчалык керек болсо, ал кызматын бошотуп берүүгө даяр.
«Кызматтан алуу тууралуу иш фракция аркылуу өтөт. Бирок мен ал жөнүндө эч нерсе билбейм. Баары көшөгө артында жасалууда. Эгер алар мага келип, ушул кызматты каалайбыз деп түздөн-түз айтышса, мен аны бошотмокмун. Учурдагы чакырылыштын ыйгарым укуктарынын мөөнөтү эбак аяктап, эч кандай вакуум болбошу үчүн мөөнөтүбүздү узартканбыз. Азыр интрига кыла турган убак эмес», – деди Аида Касымалиева.
Эске салсак, буга чейин Жогорку Кеңеште вице-спикер Аида Касымалиеванын кызматтан кетиши үчүн депутаттар кол топтошкон.
Пикирлер (1)