Бишкек шаарындагы “Ак-Кеме” мейманканасынын терезесинен обсервацияда жаткан жарандар секирип түшүп жатышат, мен муну өз көзүм менен көрүп келдим, деп билдирди Жогорку Кеңештин депутаты Айсулуу Мамашева бүгүн, 1-апрелде кезексиз жыйында.
Анын айтымында, кечээ ал аталган мейманкада болуп кайткан. Ал жерде обсервацияга алынган жарандар терезеден секирип түшүп жатканын көргөн.
“Ал жерде көзөмөл начар экен, тартипти катуу сакташ керек эле. Бирок тиешелүү жетекчилер кайдыгер мамиле кылып жатышат. Биз башка жарандардын да коопсуздугун карашыбыз керек да. Чет жактан премьер-министр, президент баш болуп кийлигишип атып, атайын алып келсек, бул жактагы жарандардын кылганы бул”, - деди депутат.
Ошондой эле, ал Ички иштер министрлигинин күзөт бөлүмү көзөмөлдү күчөтүп, тартипти катуу сакталышы керектигин айтты.
Пикирлер (3)