Чүй облусунда адам өлүрүүгө шектелген жаран кармалды. Бул тууралуу облустук милициядан билдиришти. Маалыматка ылайык, шектүү 1967-жылы туулган Н.А. болуп чыккан.
"Чүй облустук милициясы 10-июлда Ак-Суу мүрзөсүнөн жансыз дене табылганын, анын өлүмүнө шектелген жаранга издөө жарыялаганын маалымдаган. Ыкчам кызматкерлери шектүүнү таап кармап, Москва РИИБинин тергөө абагына киргизген.
Шектүү Бишкек шаарында укук коргоо органдарынан жашырынып жүргөн жеринен кармалган. Ал эми маркумдун аты-жөнү дагы деле тактала элек. Алынган алдын-ала маалыматтар боюнча, экөө тең мурда жайлоодо мал багуучу болуп иштеп жүргөн", - деп жазылат маалыматта.
Пикирлер (0)
Пикир жок. Сиз биринчилерден болушуңуз мүмкүн