Акылбек Жапаров 20-декабрга чейин Баткенде 150 үйдүн курулушу бүтөрүн убадалады

Бүгүн, 8-декабрда Жогорку Кеңештин жыйынында Министрлер кабинетинин төрагасы Акылбек Жапаров Баткенди калыбына келтирүүгө 3 млрд сом каралган болсо, учурда анын 1 млрд сому бөлүнүп берилгенин билдирди. Ал эми 150 үй 20-декабрга чейин курулуп бүтүп, ээлерине тапшырылат.

«Баткен облусунун чек ара аймактарында жабыркаган үйлөрдү «Аманат» курулуш компаниясы куруп жатат. Ал 31 субподрядчы компаниянын алган. 20-декабрга чейин 150 үйдүн курулушу бүтүп,  жашоочулар көчүп кирет. Калгандарын улам бүткөн сайын элдер кире берет.  Курулушуна 1 млрд сом бөлүнүп берилген, керек болсо дагы бөлөбүз», — деди Жапаров.

Курулуштун жүрүшүн Архитектура, курулуш жана турак жай мамлекеттик агенттиги көзөмөлдөп жатат.