Акылбек Жапаров: Казакстанда башаламандык уюштургандар ЖККУнун башка өлкөлөрүнө да кирген болушу мүмкүн

Казакстанда башаламандык уюштургандар ЖККУнун башка өлкөлөрүнө да кирген болушу мүмкүн. Мындай пикирин ЖККУнун өлкө башчыларынын онлайн саммитине катышып жаткан Министрлер кабинетинин төрагасы Акылбек Жапаров билдирди.

Анын айтымында, азыркы учурда эң маанилүүсү Казакстанда абалдын турукташышы.

"Азыркы тапта ЖККУ өлкөлөрү үчүн эң маанилүү нерсе Казакстандагы абалдын турукташуусу.

Казакстанда массалык башаламандык уюштурган радикалдар ЖККУнун башка өлкөлөрүнө кирип кеткен болушу мүмкүн.

Ошондуктан ар бир өлкөнүн коопсуздугу биринчи орунда турат",- деди Жапаров.