Акылбек Жапаров: Мамлекеттүүлүгүбүздү сактоо жана бекемдөө иштери бир мүнөткө да токтобошу керек

Мамлекеттүүлүгүбүздү сактоо жана бекемдөө иштери бир мүнөткө да токтоп калбашы керек. Бул тууралуу министрлер кабинетинин төрагасы Акылбек Жапаров министрлер кабинетинин кезектеги жыйынында билдирди.

Министрлер кабинетинин төрагасынын сүйлөгөн сөзү төмөндөгү шилтемеде:

"Үч жылдын ичине баткан отуз жыл.

Азыркы тарыхый кырдаалды мен ушундай аныктайт элем. Бул президенттин жана анын командасынын эмгеги. Сыймыктана турган иштер жасалууда. Азыркы дүйнөдөгү ар кандай окуяларга карабай, Кыргызстан өзүнө койгон максат менен, ордубузда токтоп турбастан, дайыма алдыга чуркашыбыз керек.

Бизден мурдагылар кетирген катачылыктарга карабай, алдыга карай аруу ишеним бар. Мындай кадам тарыхый жактан туура гана эмес, анын келечектүүлүгү бар. Ал улуттук ынтымактын жана биримдиктин пайдубалын түптөйт – өлкөнүн бар болушунун гана эмес, прогрессивдүү өнүгүүсүнүн да кепилдиги. Президентибиз баарын бир дасторконго чогултуп жатканда дал ушул ойдо болгон. Бул жагынан алганда мен өз кезегинде мага чейин иштегендердин баарына ыраазымын, анткени алар топтогон тажрыйба, оң жана терс жактары менен азыркы Министрлер Кабинетинин ишинин негизин түзөт.

Быйыл биз Кара-Кыргыз автономдуу облусунун түзүлгөндүгүнүн 100 жылдыгын белгилейбиз. Бул окуянын маанисине баа берүү мүмкүн эмес. Көп кылымдар мурда жоголгон кыргыз мамлекеттүүлүгүнүн пайдубалы мындан 100 жыл мурда кайра түптөлгөн.

Бул жагынан алганда 20-кылымдын башындагы кыргыз элитасынын тарыхый көрөгөчтүгү, саясий эрки жана жарандык эрдигине таң калбай коюуга болбойт. Жусуп Абдрахмановдун, Абдыкадыр Орозбековдун, Абдыкерим Сыдыковдун, Ишеналы Арабаевдин жана башка инсандардын ысымдары – биз үчүн жана кийинки муундар үчүн элге кызмат кылуунун чыныгы үлгүсү бойдон кала берет.

Алар татаал жана кооптуу тарыхый кырдаалда – акыл-эс, эрк жана кайраттуулукту көрсөтүп, эркиндикти жана турмуштун өзүн сапка тизип, мамлекеттүүлүгүбүздү түптөп беришти.

Алардын жана келечек муундардын алдындагы биздин милдет – алар түзүп кеткен жаратмандыкты сактоо жана өнүктүрүү. Биз мындай жолдо эс ала албайбыз жана укугубуз жок. Биз Фрэнсис Фукуяма сыяктуу тарых бүттү деп ойлобошубуз керек. Мамлекеттүүлүгүбүздү сактоо жана бекемдөө иштери бир мүнөткө да токтоп калбашы керек.

Заманбап дүйнө акыркы жарым кылымда болуп көрбөгөндөй күтүүсүз жана коркунучтуу болуп кетүүдө. Экинчи дүйнөлүк согуштан кийин пайда болгон дүйнөлүк тартип кайра түптөлүүдө. Экономика, дин жана идеология ортосундагы атаандаштык. Алдыңкы дүйнөлүк державалардын таасир чөйрөсү үчүн болгон катаал күрөшү, ушул чындыктардын бардыгы бизге жаңы кыргыз мамлекеттүүлүгүн түптөөчүлөргө мурдагылардан кем эмес кыйынчылыкты жаратууда. Ошол үчүн биз алардын эмгегинен үлгү алышыбыз керек – бул кайраттуулук, чечкиндүүлүк жана алысты көрө билүү.

Үч жылдан бери өлкө дайым алдыга умтулуп жашап жатат, анткени өлкө жөн гана бар болушу үчүн гана эмес, өнүгүүнүн үстүндө жашап жатат.

Эгемендүүлүк алгандан бери биз көптөгөн окуяларды баштан өткөрдүк: алгачкы капиталдын топтолушу, жапайы капитализм, түшүнүксүз либерализм. Тилекке каршы, мунун баары тарыхый, экономикалык, географиялык абалды эске албайт. Биз балдар сыяктуу чоңдорду туурап, жетилгендик касиеттерине ээ болгонго аракет кылдык. Тилекке каршы, биздин мындан башка жол жок эле.

Эки жыл мурда Кумтөр кенин элге кайтарып бергенбиз. Мен муну өлкөнүн эгемендүүлүгүнүн тарыхындагы чечүүчү этап деп эсептейм. Жалпы алганда материалдык планда гана эмес, алтын сыяктуу субстанцияга карата канчалык кызыктай көрүнбөсүн, руханий жактан да мааниси терең.

Кептин баары “Кумтөр” биздин жаш мезгилибиздин катасы, жаңы ачылган дүйнөгө бейкапар ачыктыктын, аңкоолуктун төлөмү. Кийинчерээк ал коррупциянын рак шишигине айланып, жашообуздун бардык чөйрөсүнө жайылды. Мындай шарттарда хирургиялык кийлигишүүсүз чечүү мүмкүн эмес болчу, ал ойлорду абсолюттук тазалоо менен гана мүмкүн болгон. Дал ушул шишиктин жоюлушу менен Кыргызстандын турмушунда жаңы этап башталганына ишенем. Азыр көрүп жатканыбыз: курулуп жаткан мектептер, жолдор, айлык акынын, пенсия менен жөлөк пулдун көтөрүлүшү, элдин казынасын толтуруу – Кумтөрдүн кайтып келишинин түздөн-түз кесепети.

Мамлекетке олуттуу коркунуч туудурган дагы бир көйгөй кылмышкерлердин үстөмдүгү болгон. Акыркы феномен бийликтегилердин аракетсиздигинен жылдар бою өзүнүн идеологиясын кеңири жайылтууга жетишти. Дээрлик бала бакчаларда кылмыш дүйнөсүнүн кримавторитеттеринин аналогдору деп аталган "старшаки" пайда болду. Өлкө жетекчилигинин чечкиндүү жана элдишкис кадамдары бул кооптуу көрүнүштү оор жеңилүүгө учуратты жана бул кайра кайтарылгыс деген ишеним бар.

Кыргызстандын жетекчилигинин өлкөнүн коопсуздугун камсыз кылууда ийкемсиздикти жана саясий эркти көрсөтүүдө. Коңшулар менен тынчтык жана ынтымак концепциясы, уруш-талаштарды жана карама-каршылыктарды сөзсүз түрдө тынчтык, өз ара пайдалуу жана конструктивдүү ыкмалар аркылуу чечүү коңшулар менен мамилелердин негизин түзөт. Бул бизге бир өлкөдө жашап жүргөндөгү өткөн жалпы тарыхыбыздан калган көйгөйлөрдү чечүүгө мүмкүндүк берет. Бардык башка альтернативалар жөн эле кабыл алынгыс.

Үч жыл жана 30 ишкана, бул майрам күндөрү иштөөгө даяр. Бул символикалык көрүнүш. Кыргызстан алдыга ишенимдүү кадам таштоодо.

Майрамыңыздар менен, урматтуу мекендештер!”.