Акылбек Жапаров: "Импортко көз каранды өлкө валюта кризисинен кыйналат" (видео)

Экономика илимдеринин доктору, мурдагы каржы, экономика министри Акылбек Жапаров кечээки валюта рыногундагы дүрбөлөңгө токтолду.   

"Биз отуз жылдан бери саясат менен жүрүп алып, экономиканын моделин өзгөртпөй койдук. Ошондой эле бизге ичкен-жегенибиз, кийген кийимибиз, колдонгон буюм-тайымдарыбыздын баардыгы импорттолуп келет. Импортко көз каранды өлкөлөр доллар көтөрүлсө кыйналат. Себеби товарды алып келип сомго сатканда кымбаттап кетет," - дейт Акылбек Жапаров.