Кыргыз Республикасынын Эмгек баатыры, маданиятка эмгек сиңирген ишмер, акын жана котормочу Түмөнбай Байзаковдун 100 жылдыгы белгиленет. Бул тууралуу Маданият, маалымат, спорт жана жаштар саясаты министрлиги билдирди.
Буга байланыштуу 30-октябрь күнү саат 14:00дө Бишкектеги Алыкул Осмонов атындагы Кыргыз улуттук китепканасында акындын китептеринин көргөзмөсү жана илимий-практикалык конференция өтөт. Ал эми 31-октябрда саат 11:00дө Токтогул Сатылганов атындагы Кыргыз улуттук филармониясында акындын 100 жылдыгы салтанаттуу белгиленет.
Түмөнбай Байзаков 1923-жылы 23-сентябрда Жалал-Абад облусунун Сузак районуна караштуу Бөкөй айылында туулган. Ал кыргыздардын мекенчилдик сезимин ойготкон, экинчи гимнге айланган "Кыргыз жери" ырынын сөзүн жазган.
Пикирлер (0)
Пикир жок. Сиз биринчилерден болушуңуз мүмкүн