Акыркы бир жылда Кумтөрдөн 25 жылдагыга караганда көбүрөөк пайда түшкөн. Бул тууралуу “Жакырчылык жана теңсиздик” улуттук өнүктүрүү форумунда министрлер кабинетинин башчысы Акылбек Жапаров билдирди.
«1994-жылдан 2021-жылга чейин, башкача айтканда, 25-26 жыл аралыгында «Центерра» бизге ар кандай дивиденддер жана трансферттер түрүндө 100 миллион доллардан ашык эмес каражат берген. Ал эми былтыр эле 140 миллион доллар дивиденд алдык. Ал эми келечекте өкмөттүн жана президентибиздин позициясы мындай бойдон калууда: жер казынасы биринчи кезекте элге кызмат кылсын», - деди ал.
Эске сала кетсек, өлкөнүн негизги алтын кени Кумтөр 2022-жылдын июль айында Кыргызстандын толук менчигине өткөн.
Пикирлер (0)
Пикир жок. Сиз биринчилерден болушуңуз мүмкүн