Аксыда Чоң-Наманган каналына түшүп кеткен 12 жаштагы баланы издөө иштери токтотулду

Аксы районунда 12 жаштагы бала Чоң-Наманган каналына түшүп кетти. Бул тууралуу Өзгөчө кырдаалдар министрлигинин басма сөз кызматынан билдиришти.

Маалыматка ылайык, 21-июль күнү саат 17:00 чамасында 2008-жылы туулган эркек бала Кум айылындагы Чоң-Наманган каналына түшүп кеткендиги тууралуу маалымат түшкөн.

23-июль күнү издөө иш-чараларын жүргүзүү үчүн ӨКМден жалпы 11 куткаруучу  тартылып, натыйжа болгон эмес. Туугандарынын катынын негизинде издөө иш-чаралары убактылуу токтотулган.