Чүй облусунун Жайыл районунун аймагынан бейбашттыкка шектүү болгон эки жаран кармалды. Бул тууралуу ИИМдин басма сөз кызматы билдирди.
Маалыматка ылайык, Аксы районунун жашоочусунан билдирүү түшүп, 2020-жылдын 26-июнунда белгисиз адамдар аны “Тойота” үлгүсүндөгү автоунаага салып, киши жок жерге алып барып, сабап, денесине жаракаттарды келтиришкендигин маалымдаган.
Бул иш криминалдык топтор тарабынан ишкерлерге кысым көрсөтүүгө байланыштуу болгондуктан, ыкчам-иликтөө иш-чараларына ИИМдин Криминалдык милиция кызматынын Аймактар аралык башкармалыгынын кызматкерлери тартылган. 27-июнь күнү аталган факты КЖБРге катталып, ИИМдин Тергөө кызматы Жазык кодексинин 266-беренесинин 2-бөлүмү (Бейбаштык) боюнча сотко чейинки өндүрүш башталган.
30-июнь күнү көрүлгөн чаралардын натыйжасында Чүйдүн аймагынан качып бараткан жеринен эки жаран кармалган.
ИИМдин маалыматына ылайык, кармалган жарандардын бири Жалал-Абад облусунун Аксы районунун 1983-жылы туулган жашоочусу М.А. болот. Ал мурда соттолгон жана уюшкан кылмыштуу топтун мүчөсү катары ИИМдин ыкчам каттоосунда турат, “положенец” криминалдык макамга ээ. Экинчи кармалган жаран Жалал-Абад облусунун Таш-Көмүр шаарынын 1991-жылы туулган жашоочусу Т.М. болот.
Экөө тең убактылуу кармоочу жайына
киргизилди.
Пикирлер (1)