Аксы районунда табигый кырсыктардын алдын алуу максатында милиция тарабынан тиешелүү иш-чаралар жүргүзүлүп келүүдө. Бул тууралуу ОИИБдин басма сөз кызматы билдирди.
Маалыматка караганда, Аксы РИИБ тарабынан өспүрүмдөр катышкан терс көрүнүштөргө жана кырсыктарга бөгөт коюу багытындагы иштер уюштурулуп, айыл жерлеринде түшүндүрүү жумуштары жүргүзүлүүдө. Район аймагындагы сууга түшүүгө кооптуу деп эсептелген каналдарга, чоң арыктарга, көлмөлөргө эскертүү тактайчалары орнотулду.
Жашы жете электер менен иштөө инспекциясынын кызматкерлери өспүрүмдөрдүн сууга чөгүүлөрүн болтурбоо үчүн ата-энелерди өз балдарын жөнү жок көчөгө чыгарбай, алардын жүрүм-турумун жана кайда жүргөнүн көзөмөлгө алууга чакырышты. Ошондой эле өспүрүмдөрдүн оор жумушка тартылуусунун алдын алуу багытында бир катар объекттер текшерүүгө алынып, жумуш берүүчүлөргө эскертүүлөр берилди.
Пикирлер (0)
Пикир жок. Сиз биринчилерден болушуңуз мүмкүн