Аксыда үч адам ууланып каза болду

Аксы районунда белгисиз затка ууланып үч киши каза болду. Бул тууралуу маалыматты жергиликтүү ички иштер бөлүмү тастыктады.

Маалыматка ылайык, 4-мартка караган таңда жарандар райондун борборундагы ооруканага бара жаткан кезде каза болгон. Дагы бир жаран ууланып, ал оор абалда ооруканада жатат.

Райондук ички иштер бөлүмү маркумдардын денесин медициналык экспертизадан өткөрүү үчүн алып кеткени айтылды.