Аксыда жеке ишкер Туманбаев гуманитардык жардам көрсөттү (видео)

Жеке ишкер Каныбек Туманбаев Аксы районунун элине гуманитардык жардам көрсөттү. Бул тууралуу уюштуруучулар билдирди.

Алардын маалыматында, жергиликтүү калкка жалпы 150 тоннаны түзгөн 3 миң кап ун жана 6 тонна тамак-аш майы гуманитардык жардам катары берилди. Мындан тышкары алдыда акчалай жардам берилери убадаланды.

Белгилей кетсек, буга чейин Каныбек Туманбаев Аксы элине медициналык коргонуучу каражаттарды жана ири көлөмдө азык-түлүк таратканын тургундар кабарлашкан эле.