Активист Өндүрүш Токтонасыровго тагылган айып угузулду

Активист Өндүрүш Токтонасыровго КР Кылмыш-жаза кодексинин “Расалык, этностук, улуттук, диний аймактар ​​аралык кастыкты (жарашты) козутуу” беренеси боюнча айып тагылды. Бул тууралуу 24.kg агенттигине адвокат Агзам Дүйшөналиев билдирди.

Анын айтымында, Өндүрүш Токтонасыров күнөөсүн мойнуна алган жок.

«Иш сотко өтө элек. Бүгүн иштин материалдары менен таанышуу үчүн бизди Ички иштер министрлигине чакырышты. Өндүрүш Токтонасыровго сыртка чыкпоо түрүндөгү баш коргоо чарасы тандалды», — деди Агзам Дүйшөналиев.

Эске сала кетсек, 30-майда белгисиз адамдар активист Өндүрүш Токтонасыровду унаага салып, алып кетишкен. Туугандары жана укук коргоочулар анын кайда экенин бир сааттан ашык биле алышкан эмес. Кийинчерээк милиция кызматкерлери козголгон кылмыш ишинин алкагында аны суракка алып кетишкени белгилүү болгон.