“Ала-Тоо” аквапаркындагы кырсык боюнча кылмыш иши козголду.
Октябрь райондук милициясынын басма сөз кызматынан агенттикке билдиришкендей, 2022-жылдын 6-июнунда болжол менен саат 11:00дө "102" кызматына ""Ала-Тоо" аквапаркындагы бассейнге бала сууга чөгүп кеткендиги тууралуу билдирүү түшкөн.
Жерине тергөө-ыкчам тобу барып, №95 мектептин башталгыч класстарынын окуучулары ата-энелери менен чогуу бассейнге барышып, эс алуу учурунда 3-класстын окуучусу сууга чөгүп кеткендигин аныкташкан.
Аталган факты кылмыштардын бирдиктүү реестрине катталып, Кылмыш-жаза кодексинин 127-чи (Этиятсыздыктан өлүмгө алып келүү) жана 297-беренелеринин (Керектөөчүлөр үчүн коркунуч жаратуу) негизинде кылмыш иши козголуп, соттук-экспертиза дайындалды.
Учурда иликтөө иштери уланууда.
Пикирлер (0)
Пикир жок. Сиз биринчилерден болушуңуз мүмкүн